Haukalagið

Nú er nýja haukalagið komið í verslanir N1 í Hafnafirði og er þetta klárlega lag sem allir Haukamenn þurfa að eiga á lager. Frábært lag þar á ferðinni (Haukar, Haukar)

Páll Rósinkrans fer þar á kostum enda mikill Haukamaður.

Halldór og Jón Karl leggja skóna á hilluna

Þeir Halldór Á Ingólfsson og Jón Karl Björnsson hafa ákveðið að leggja skóna á hilluna eftir þetta tímabil. Halldór kom í Haukana 1991 og hefur spilað nánast sleitulaust síðan fyrir utan 2 ár sem hann hefur spilað erlendis. Halldór er því að spila sitt 16 tímabil fyrir Haukana. Eitthvað eru þetta af leikjum og mörkum en það virðist vera erfitt að nálgast þessar upplýsingar þar sem HSÍ hefur ekki staðið sig í að halda utan um þessar upplýsingar. Sjálfsagt er skortur á mannskap til að taka þetta saman en það hefur samt ekki stoppað þá í að halda landsliðsfjölda leikamann til haga en deildinn hefur látið mæta afgangi. Hægt er að nálgast upplýsingar um leiki frá 95 eða það hélt maður. Það vantar inn í t.d allt um árið 1998 og svo vantar allt um bikarkeppnina frá 98 til 2000. Það verður eitthvað moð að taka saman leikjafjölda hjá honum Halldóri það er alveg ljóst.

Jón Karl er uppalinn Haukamaður og spilaði sinn fyrsta leik 1996 en svo fór hann í Fylki í tvö ár. 1999 kom hann svo til baka og hefur spilað nánast alla leiki síðan með Haukunum eða 11 tímabil í heildina. Ég náði að taka saman hans leiki og eru þetta um 340 leikir í öllum keppnum á vegum HSÍ og IHF. Deildarleikir verða eftir þetta tímabil 232, leikir í úrslitakeppni 53, í bikarkeppni 18, í deildarbikar 5, í meistara meistaranna 5 og í evrópukeppni taldi ég 27 leik (það gæti orðið fleiri). 

Þetta er mikill missir af þessum leikmönnum og til gamans má geta að Haukar hafa ekki unnið titill þegar Halldór hefur ekki verið með síðustu 10 árin. Það verður því verðugt verkefni að landa titli á næsta ári án "PapaTrix". 

 

FB 

2 stigum nær Íslandsmeistaratitlinum

Það var ekki fallegur handbolti sem fór fram í eyjum fyrr í dag. Menn töluðu um að mæta tilbúnir til leiks og ekki láta eyjamenn fara með okkur eins og þeir gerðu við Fram í síðustu umferð. En eins og í síðasta leik okkar gegn ÍBV þá voru allt of fáir klárir í þennan slag. Vörnin var ekki góð og ef það hefði ekki verið fyrir Jón Karl og Ella þá hefðum við verið undir í hálfleik. Jón Karl fór á kostum í þessum leik og setti 6 úr 6 skotum í fyrrihálfleik og einhver 11 mörk í leiknum. Staðan í hálfleik var svo 14-14. Í seinnihálfleik var jafnt á öllum tölum en það var ekki fyrr en Arnar Pétursson og Magnús Sigmundsson komu inn á að við náðum undirtökunum. Ef menn eru í vafa hvern þeir eiga að velja sem besta varnamann deildarinnar þá kemur Arnar P sterklega til greina. Hann er sýndi það að hann er ómetanlegur í miðju varna okkar. Sigur 28-24 og 2 stig í hús eru staðreynd. Jón Karl, Addi og Maggi voru þeir einu sem sýndu góðan leik, Kári átti góðar rispur en hann meiddist á hásin fljótlega í leiknum og gat lítið beitt sér. Ekki má gleyma Halldóri Ingólfssyni en hann átti nokkur mikilvæg mörk og átti markið sem slökkti alveg í þeim en það var fast undirskot af 8 metrum.(Já ég sagði fast undirskot)!!!

Næsti leikur er gegn Fram á föstudaginn og getum við með sigri þar orðið ÍSLANDSMEISTARA. Það verður án efa hörkuleikur og því tilvalið að Haukamenn fjölmenni og styðji okkur í að endurheimta Bikarinn heim aftur eftir 2 ára fjarveru.

Æfingaáætlun 4.apríl til 5.maí.

Frá 4. apríl til 5. maí 2008				Mfl. Karla
D.	Vikudagur	Staður	Tími	Hvað
4	Föstudagur	Ásvellir	16:45-18:30	Taktík+Salur
5	Laugardagur	Ásvellir	10:00	N1-deildin: ÍBV-Haukar kl. 15:00
6	Sunnudagur	Frí
7	Mánudagur	Hress/Ásvellir	?	Lyftingar (Explósívt)
	Mánudagur	Ásvellir	19:30-21:00	Salur
8	Þriðjudagur	Ásvellir	18:00-19:30	Salur
9	Miðvikudagur	Frí
10	Fimmtudagur	Ásvellir	17:30-19:30	Taktík+Salur
11	Föstudagur	Ásvellir	18:00	N1-deildin: Haukar-Fram kl. 19:15
12	Laugardagur	Ásvellir	10:30-12:00	Salur
13	Sunnudagur	Frí
14	Mánudagur	Ásvellir	19:00-21:00	Taktík+Salur
15	Þriðjudagur	Ásvellir	18:00	N1-deildin: Haukar-Akureyri kl. 19:15
16	Miðvikudagur	Ásvellir	18:30-20:00	Taktík+Salur
17	Fimmtudagur	Mýrin	18:45	N1-deildin: Haukar-Stjarnan kl. 20:00
18	Föstudagur	Ásvellir	17:00-18:30	Salur
19	Laugardagur	Frí
20	Sunnudagur	Frí
21	Mánudagur	Hress/Ásvellir	?	Lyftingar (Þungt)
	Mánudagur	Ásvellir	19:30-21:00	Salur
22	Þriðjudagur	Ásvellir	18:00-19:30	Salur
23	Miðvikudagur	Frí
24	Fimmtudagur	Hress/Ásvellir	?	Lyftingar (Explósívt)
	Fimmtudagur	Ásvellir	18:00-19:30	Salur
25	Föstudagur	Ásvellir	17:00-18:30	Salur
26	Laugardagur	Ásvellir	10:00-12:00	Taktík+Salur
27	Sunnudagur	Ásvellir	14:45	N1-deildin: Haukar-Afturelding kl. 16:00
28	Mánudagur	Frí
29	Þriðjudagur	Hress/Ásvellir	?	Lyftingar (Þungt)
	Þriðjudagur	Ásvellir	18:00-19:30	Salur
30	Miðvikudagur	Frí
1	Fimmtudagur	Hress/Ásvellir	?	Lyftingar (Explósívt)
	Fimmtudagur	Ásvellir	19:30-21:00	Salur
2	Föstudagur	Ásvellir	17:00-18:30	Salur
3	Laugardagur	Ásvellir	10:00-12:00	Taktík+Salur
4	Sunnudagur	Digranes	14:45	N1-deildin: HK-Haukar kl. 16:00
5	Mánudagur	Ásvellir	19:30-21:00	Salur

Vestmanneyjar á laugardaginn

Nú fer að líða að næsta leik og þá er leggjum land undir fót og förum erlendis nánar tiltekið til Vestmanneyja. Veit ekki hvort fólk átti sig alveg hvar þessi eyjaklassi er en fyrir ykkur sem ekki vitið þá er þetta land sem er ekki langt frá Bakka fyrir sunnan Ísland. En við komum einmitt til með að keyra þangað til að taka flug frá Bakka. Leikurinn er settur á kl. 15 að staðar tíma en það vill svo til að það er einmitt engin tímamunur á milli Íslands og Vestmanneyja. Það verður án efa gaman fyrir útlendinga í okkar liði að koma á heimaslóðir og takast á við frændur sína. Siggi Braga er víst búinn að bjóða Halldóri Ingólfs í Te og Rist fyrir leik og ætlar Dóri ekki að reyna "krækja í rautt" út í eyjum að þessu sinni.

Hlynur að missa sig!!

Eyjamaðurinn Hlynur Sigmarsson sem sér um síðuna www.handbolti.is er alveg búin að tapa sér og fór með 1.apríl gabb á næsta level. Hann byrjaði á því að auglýsa að úrslitaleikurinn í deildarbikarnum skildi endurtekin. Svo kemur hann með magnaða lýsingu á þessu meinta leik og ég læt fólk um að lesa þetta yfir sjálft og bið menn um að athuga sérstaklega hverjir voru að dæma þennan leik og hverjir voru á tímavarðaborðinu. :)

"Haukar Deildarbikarmeistara

Haukar unnu Fram 29-28 í endurteknum úrslitaleik Deildarbikars karla þar sem allt varð vitlaust undir lokinn.

Leikurinn var æsispennandi allt frá upphafi til enda.  Það var Fram sem byrjaði betur í leiknum og náði fljótt þriggja marka forystu 4-7 en þá tóku Haukar við sé og náðu að minnka muninn fyrir leikhlé í eitt mark 13-14.

Framarar komu grimmir til leiks í siðari hálfleiks og skoruðu þrjú fyrstu mörkin og breyttu stöðunni í 13-17 og virtust ætla að gera út um leikinn strax í upphafi.  Haukar komust smám saman betur inn í leikinn og náðu loks að jafna 5 mínútum fyrir leiksloka.  26-26.  Í hönd fóru æsispennandi lokamínútur er Sigurbergur Sveinsson skoraði sigurmarkið á síðustu sekúndum leiksins og lokatölur urðu eins og áður sagði 29-28.

Viggó Sigurðsson, sem var aðstoðarmaður Magnúsar Jónssonar þjálfara Fram í þessum leik fékk RAUTT að leik loknum eftir að hafa hraunað yfir dómar leiksins.  Hann sagði að það væri ótrúlegt að snúa til baka eftir 5 ára fjarveru og fá þennan skandall yfir sig.  Það væri greynilega ekki vanþörf á því að hann mundi halda fræðslu fyrir dómara þessa lands og hann biði eftir símtali frá Guðmundi Yngvarssyni formanni HSÍ um boð til að kenna þessum mönnum leikreglurnar.

Bestir í liði Haukum voru þeir Sigurbergur Sveinsson sem skoraði 7 mörk og Gunnar Berg Viktorsson sem skoraði 6 mörk.

Bestir í liði Fram voru þeir Haraldur Þorvarðarson og Halldór Jóhann Sigfússon sem skoruðu 6 mörk hvor.

Mikil reykistefna var í lok leiks þar sem á myndbandi sést greinilega að Haukar voru 9 inn á er lokamarkið var skorað og virðist eitthvað hafa klúðrast hjá dómurum og á tímavarðaborðinu undir lokinn þar sem hvorki dómarar, eftirlitsmaður né tímaverðir tóku eftir þessu.

Þá gerðist sú furðulega uppákoma er komið var að því að Lúðvík Geirsson bæjarstjóri í Hafnafirði átti að afhenta bikarinn til Hauka að hann fanst ekki og mun hann víst vera enn í höndum Fram sem neita að afhenta bikarinn.  Lúðvík dó þó ekki ráðalaus og í staðinn þá skrifaði hann tékka á staðnum fyrir 5 miljónum króna sem hann afhenti Haukum að tilefni að þessum frábæra árangri.  Hann gat þess einnig að Hafnafjarðarbær væri eflaust eini aðilinn í þessu þjóðfélagi sem ætti fjármuni til brúks eftir góðan árangur þeirra í að sækja fjármuni að láni hjá írskum banka fyrir stuttu og því væri honum það mikið gleðiefni að geta stutt við bakið á Haukum með þessum hætti.

Aron Kristjánsson, þjálfari Hauka, var gríðarlega ánægður með sigur sinna drengja og sagði að nú væri réttlætinu fullnægt.  Jafnfram sagði hann, Auga fyrir auga, tönn fyrir tönn, ætti við í þessu hjá Haukum.  Það væri greinilegt að Haukar væru langbesta liðið hér á landi og þá hann eflaust langbesti þjálfarinn.

Magnús Jónsson, nýráðinn þjálfari Fram, sagði sorglegt að tapa þessum leik eftir að hafa átt stærstan þátt í því að ná í titilinn um áramótin.

Markaskorarar Hauka voru:

Sigurbergur Sveinsson 7, Gunnar Berg Viktorsson 6, Andri Stefan 4 Kári Kristjánsson 4, Freyr Brynjarsson 4, Elías Már Halldórsson 3 og Gísli Jón Þórisson 1.

Magnús Sigmundsson varði 10 skot og Gísli Guðmundsson 7.

Markaskorarar Fram voru:

Haraldur Þorvarðarson 6, Halldór Jóhann Sigfússon 6, Jóhann Gunnar Einarsson 5, Björn Guðmundsson 4, Andri Berg Haraldsson 3, Hjörtur Hinriksson 2 og Stefán Baldvin Stefánsson 2.

Björgvin Páll Gústavssson varði 9 skot og Magnús Erlendsson 7.

Áhorfendur voru rúmlega 2.000 og var mikil stemming á pöllunum.

Dómarar voru Sigurjón og Gústaf Bjarnasynir.

Eftirlitsmaður var Daníel Halfdánarson.

Heiðursgestir voru þeir Lúðvík Geirsson bæjarstjóri í Hafnafirði og Ólafur Magnússon borgarstjóri.

Tímaverðir voru þeir Páll Ólafsson og Sigurjón Sigurðsson."

Tekið af www.handbolti.is

Lagerstjórinn leikmaður 3.umferðar

Við Haukamenn eigum tvo að þessu sinni í liði umferðarinnar.  Beggi var valinn í vinstri skyttuna og jafnframt besti leikmaður  3 umferðar. Aron varð valinn aðra umferðina í röð sem besti þjálfarinn.

Í fyrstu umferð fengum áttum við engan mann í liði umferðarinnar sem var skandall, vorum efstir ásamt stjörnunni eftir 1.umferð

Eftir 2.umferð voru svo valdir Andri á miðjuna, Kári á línunni og Aron sem þjálfari ásamt því að Haukarnir vorum með bestu umgjörðinna.

Eftir 4.umferðinna er stefna sett á að hafa bara Haukamenn í liðinu. :) 

Sigurbergur besti leikmaðurinn

Frábær seinnihálfleikur liðsheildarinnar

Í dag tókust á besta liðið frá því í fyrra og besta liðið í dag og eftir jafnan leik í fyrrihálfleik framan af þá náðu Valsmenn 3 marka forustu en þegar staðan varð 10-13 fyrir Val þá vissi ég að við myndum vinna þennan leik. Það hefur verið þannig síðustu ár að ef þessi staða kemur upp í leik hjá Haukunum hvort sem það er fyrir Haukana eða hjá andstæðingunum þá hafa Haukar farið með sigur á hólmi. Ég veit að nokkrir stuðningsmenn Hauka fögnuðu smá þegar Valsarar skoruðu 13 markið. Í hálfleik var staðan svo 11-14 fyrir Val.

Í seinnihálfleik mættu menn mjög einbeittir til leiks og eftir 6 mín var staðan orðin 18-14 haukum í vil. Við litum ekki til bara eftir það og unnum öruggan sigur 27-23.

Liðsheildin var frábær í síðari hálfleik og fóru liðsmenn á kostum. Freyr, Beggi, Gunni, Kári og Elli voru allir með 5 mörk hver.

Næsti leikur er svo gegn ÍBV í vestmanneyjum næstkomandi laugardag. ÍBV gerði sér lítið fyrir og lagði Fram á útivelli í gær og því alls ekki hægt að bóka sigur á þeim þó þeir séu í neðsta sæti.

Markaskor: Elli 5/5, Freyr 5/6, Gunnar Berg 5/8, Kári 5/9, Beggi 5/10, Andri 2/4.

Maggi var mjög öflugur í markinu og varði 10 bolta og Gísli 5 bolta og þar af 2 víti.

 

 

 

FB.

P.s. myndbandið sem menn horfðu á videofundinum í gær kemur inn vonbráðar.

ATH það er bannað börnum. 

Haukar færðust skrefi nær titlinum

Haukar-Valur N1-deildin kl.16

    vs    

Á morgun koma Valsmenn í heimsókn til okkar Haukamanna. Þetta er einn af úrslitaleikjum vetrarins og rosalega mikilvægt fyrir bæði lið að ná sigri. Valsmenn eru í dag 7 stigum á eftir okkur en við getum ekki leyft okkur að slaka á, það er ein umferð eftir (7 leikir) og ef við höldum að þetta komi að sjálfum sér fer það án efa illa. Við erum búnir að æfa vel og erum tilbúnir í slaginn á morgun. Á video fundinum í dag var horft á myndband sem klippt var til að kveikja í mönnum og nú er bara að vona að það hafi haft góð áhrif á okkur og menn komi brjálaðir til leiks.

Ísland - Frakkland 2002