HAUKAR - Meistaraflokkur karla í handknattleik - 2007 til 2012

19.10.2008 | 19:49

Ævintýralegur sigur í dag gegn Veszprém

Já sællll, eigum við að ræða þetta eitthvað. Það er alveg ljóst að það trúði enginn að við myndum vinna þennan leik í dag og ég verð að viðurkenna að maður fór ekkert alltof bjartsýnn í þennan leik. Það var ekki fyrr enn í lok fyrrihálfleiks að maður sá að núna væri lag og við gætum unnið eitt af 10 bestu liðum í evrópu.

Við spiluðum fanta vörn og þeir áttu fá svör við henni og sóknarlega létum við boltann ganga hratt og létum þá ekki brjóta á okkur. Birkir Ívar var svo í ruglinu fyrir aftan vörnina. Hann fékk svo skot beint í andlitið og náði sér ekki alveg á strik aftur en Gísli G kom inn á og varði nokkra mikilvæga bolta.

Maður er eiginlega ekki ennþá búin að átta sig á hversu svakalegur sigur þetta er fyrir okkur og íslenskan handbolta. Við spilum ávallt til sigurs hér á Ásvöllum og næst er það Fram í deildinni. Við ætlum ekki að láta góðan árangur í meistaradeilidnni verða okkur að falli aftur. Vorum ennþá á einhverju bleiku skýi eftir Flensborgarleikinn en við fögnum í kvöld og kannski á morgun svo er bara farið á fullt í að undirbúa sig fyrir Viggó og félaga næstkomandi fimmtudag. Þar eru þeir með einn besta örvhenta leikmann deildarinnar en hann setti 15 mörk í síðasta leik. Valsleikurinn verður ávallt með okkur út þetta tímabil og hann verður nýttur til að koma okkur aftur niðrá jörðinna.