Ótrúlegt ævintýri að gerast

Hver hefði trúað þessu fyrir mótið, enginn. Þetta er frábært hjá strákunum og fyrsti verðlaunapeningurinn staðreynd hjá Íslenska landsliðinu. Við haukamenn óskum drengjunum til hamingju með þennan frábæra árangur. Sama hvernig fer á sunnudaginn þá eru drengirnir sigurvegarar. Maður er eiginlega orðlaus og ekki alveg búin að átta sig á þessu, hvað þá drengirnir sem voru að spila þennan leik.

Við haukamenn verðum að nefna einn FH-ing að þessu sinni, en Logi fór fyrir sínum mönnum í seinnihálfleik og í raun hélt sóknarleik okkar uppi og hárið hreyfðist ekki allan leikinn. Greinilega gott gel þarna á ferðinni.

Það er einn haukamaður sem stendur fyrir sínu og er það Ásgeir Hallgrímsson. Við óskum honum sérstaklega til hamingju.

Íslendingar í úrslitaleikinn