Hanna og Sigurbergur handknattleiksfólk Hauka 2008

Stjórn handknattleiksdeildar Hauka hefur valið Hönnu Guðrúnu Stefánsdóttur og Sigurberg Sveinsson sem handknattleiksfólk Hauka árið 2008. Þau eru því í kjöri til íþróttafólks Hauka sem verður valið á Gamlársdag. Hanna Guðrún Stefánsdóttir er 29 ára hornamaður sem hefur verið lykilleikmaður í meistaraflokksliði Hauka um langt árabil. Hún á að baki um 90 landsleiki með A-landsliði Íslands. Hanna hefur farið á kostum á haustmánuðum þar sem hún hefur skorað 138 mörk í 12 leikjum N1 deildarinnar og Eimskipsbikarsins. Hanna hefur sömuleiðis verið atkvæðamikil með íslenska landsliðinu þar sem hún hefur skorað 64 mörk í 9 leikjum á þessu ári, þar af 32 mörk í einungis 4 leikjum í undankeppni HM í Póllandi. Á síðasta tímabili gerði Hanna 106 mörk í N1 deildinni. Hanna er uppalin Haukakona, baráttujaxl af bestu gerð og ein af bestu handknattleikskonum þjóðarinnar.

Sigurbergur Sveinsson er 21 árs rétthend skytta sem þrátt fyrir ungan aldur er einn af burðarásunum í Íslandsmeistaraliði Hauka í handknattleik. Hann hefur sömuleiðis fengið vaxandi tækifæri hjá A-landsliði Íslands þar sem hann hefur leikið tæplega tíu leiki og er skemmst að minnast vaskrar framgöngu í nýafstöðnum leikjum gegn heimsmeistaraliði Þjóðverja ytra. Sigurbergur setti mark sitt á þátttöku Hauka í Evrópukeppninni í haust þar sem hann skoraði 35 mörk. Hann hefur sömuleiðis verið atkvæðamikill í N1 deildinni það sem af er þessu tímabili og skorað 61 mörk í 10 leikjum en á síðasta tímabili skoraði hann 91 mark. Sigurbergur er uppalinn Haukamaður, framúrskarandi handknattleiksmaður og vel til þess fallinn að vera fyrirmynd ungra handknattleiksáhugamanna í Hafnarfirði.

Tekið af www.haukar.is

 

Til hamingju með þetta Beggi og Hanna.

6 Haukamenn í landsliðunum.

Íslendingar mæta B-liði Svía á sunnudaginn, leika við Egypta á þriðjudag og leika um sæti á mótinu daginn eftir.

Á mótinu í Danmörku leika Íslendingar, Danir, Rúmenar og Bosníumenn.

Landsliðshópurinn:

Markverðir:

Björgvin Páll Gústavsson, Bittenfeld
Hreiðar Levy Guðmundsson, Såvehof

Útileikmenn:

Aron Pálmarsson, FH
Ásgeir Örn Hallgrímsson, GOG
Einar Hólmgeirsson, Grosswallstadt
Ingimundur Ingimundarson, Minden
Logi Geirsson, Lemgo
Ragnar Óskarsson, Dunkerque
Róbert Gunnarsson, Gummersbach
Rúnar Kárason, Fram
Sigurbergur Sveinsson, Haukum
Sturla Ásgeirsson, Düsseldorf
Sverre Andreas Jakobsson, HK
Vignir Svavarsson, Lemgo
Þórir Ólafsson, N-Lübbecke

2012 landsliðið 

Þá var valið svokallað 2010 landslið sem þátt tekur í móti í Frakklandi í byrjun janúar. Þjálfari liðsins er Kristján Halldórsson.

Liðið er þannig skipað:

Markverðir:
Ólafur Haukur Gíslason, Val
Pálmar Pétursson, Val

Aðrir leikmenn:
Arnór Þór Gunnarsson, Val
Elvar Friðriksson, Val
Fannar Friðgeirsson, Stjörnunni
Freyr Brynjarsson, Haukum
Guðmundur Árni Ólafsson, Selfossi
Hannes Jón Jónsson, Burgdorf
Ingvar Árnason, Val
Kári Kristján Kristjánsson, Haukum
Oddur Grétarsson, Akureyri
Ólafur Guðmundsson, FH
Sigurgeir Árni Ægisson, HK
Sigurður Ari Stefánsson, Elverum
Sverrir Hermannsson, Víkingi

Tekið af mbl.is

Í úrslit annað árið í röð.

Úrslitaleikurinn verður Haukar-Fram annað árið í röð. Hver man ekki eftir leiknum í fyrra þar sem Framarar fengu eitt mark í plús og var það aldrei lagað. Haukar kærðu en ekkert varð úr því.

En að leiknum í dag þá var greinlegt að menn voru ekki alveg búnir að jafna sig á jólasteikinni. Þungt var í fjósinu hjá mönnum  og fór leikurinn því hægt á stað. Valsmenn náðu sér fyrr á strik og komust í 8-5. Staðan í hálfleik var svo 13-11 þeim í vil. Í seinni hálfleik þéttum við vörnina og Birkir tók góða bolta í markinu. Við komust yfir í fyrsta skiptið 18-17 en þeir komust svo aftur yfir og náðu í lokin 2 marka forustu 25-23 en við breyttum þá í 5-1 vörn og við það riðlaðist þeirra leikur nóg til að við skoruðum síðstu 3 mörkin í leiknum en hann Arnar Jón Agnarsson kórónaði sinn leik með úrslitamarkinu á síðstu sekúndu leiksins. 

Arnar Jón og Beggi settu 6 mörk í dag, Andri var með 5, Kári 4, Freyr 2, með 1 mark voru svo Gísli Jón, Elías og Einar Örn.

Birkir varði 17 og Gísli G 4

Haukar sigra á bjöllumarki Arnars Jóns

Góður sigur í kvöld

Leikurinn í kvöld var nokkuð góður hjá okkur þó svo að við gerðum okkur seka um að slaka á í seinni hálfleik. Leikurinn byrjaði vel hjá okkur og komust við í 2-0 með hraðupphlaupum. En vörnin var mjög góð í upphafi leiks. Leikurinn jafnaðist svo og í stöðunni 11-12 fyrir okkur tókum við leikhlé. Þetta leikhlé hafði góð áhrif á okkur og við skoruðum næstu 5 mörkin og þannig stóð í hálfleik 11-17. Í seinni hálfleik gerðum við okkur seka um að koma værukærir í byrjun og þeir minnkuðu munin í 14-17 og svo aftur í stöðunni 22-17 slökuðum við á og þeir minnkuðu muninn í 27-29 og við einum færri og innan við 2 mín eftir. Við kláruðum leikinn með sæmd og skoruðum síðustu 3 mörkin einum færri. Í sóknarleiknum báru þeir Andri Stefan og Arnar Jón okkur uppi ásamt því að Einar var öryggið uppmálað á vítapunktinum. Arnar Jón var klárlega maður leiksins en hann átti mörg þrumuskotin fyrir utan og gaman að sjá kallinn í sínu gamla formi.

Markaskor: Einar 8 þar af 6 víti, Arnar Jón 7, Andri 6, Kári 4, Freyr 2, Elli 2, Gísli Jón 2.

Birkir stóð sig vel í rammanum og varði 21 skot.

Haukar lögðu Stjörnuna, 31:27

Útileikur við Stjörnuna

Annað kvöld förum við haukamenn í heimsókn til Stjörnunar í Mýrina. Leikurinn hefst kl. 19:30. Þetta er síðasti leikur fyrir jól. Hjá okkur er Addi P enn meiddur og verður ekki með. Sigurbergur kemur inn í hópinn aftur eftir að hafa verið í banni gegn Víkingi. Hjá stjörnunni er Fannar Friðgeirs með brákað rifbein ásamt að Roland Valur verður líklega ekki með þeim. Stjarnan er ekki á flæðiskeri staddir því þeir eiga marga góða og efnilega leikmenn. Þetta verður hörkuleikur og kjörið tækifæri að horfa á góðan handboltaleik.

Skildusigur í gærkveldi

Í gær mættum við til leiks gegn Víking í Víkinni og unnum þar skildusigur. Leikurinn byrjaði brösulega en við skoruðum ekki fyrstu 5 mín af leiknum. Víkingar leiddu leikinn í upphafi en við náðum að jafna 8-8 og vorum yfir í hálfleik 16-12. Seinni hálfleikurinn byrjaði jafn brösulega hjá okkur og sá fyrri og við skoruðum ekki fyrstu 5 mín. Við settum svo í 3 gír og komumst í 20-14. Þá fórum við aftur í 2 gír og slökuðum á. Við það komust þeir inn í leikinn þó með smá hjálp frá dómurum leiksins sem dæmdu lítið sem ekkert á brot hjá Víkingunum. Að lokum innbyrtu við sigur 25-22.  Næsti leikur er gegn Stjörnunni og verður hann leikinn á heimavelli stjörnunar. 

Samkvæmt mbl.is þá erum við öruggir áfram í deildarbikarinn þar sem FH og Akureyri töpuðu sínum leikjum í gær. Við erum með 12 stig eins og þessi lið. Ef við vinnum Stjörnuna á miðvikudaginn verðum við með 14 stig og líklega í þriðja sæti á eftir Val og Fram. Við megum ekki hleypa Val og Fram of langt frá okkur og því mjög mikilvægt að knýja fram sigur á miðvikudaginn. Fram á eftir Viking og Stjörnuna og ef þeir vinna báða þessa leiki enda þeir í efsta sæti deildarinnar með 16 stig, Valur er með 15 stig og við getum náð eins og áður segir 14 stigum. Fjórða sætið fer svo í hendur HK manna sem eru með 12 stig. 

Elías Már var markahæstur okkar manna með 7 mörk. 

Sigurbergur var ekki með vegna leikbanns og Arnar P ásamt Gísla G voru ekki með vegna meiðsla.

Bikarkeppninni lokið hjá okkur

Það fór ekki vel í dag þegar við töpuðum aftur fyrir FH í Kaplakrika á stuttum tíma. Leikurinn var jafn á flestum tölum í fyrrihálfleik en FH var yfir 15-13. Í seinni hálfleik náðu fh-ingar 6 marka forustu þegar um 13 mín voru eftir. Við vöknuðum eftir það og náðum að minnka muninn í 1 mark en þar við stóð. Það er ekki hægt að ætlast til að vinna bikarleik og bara spila síðustu 10 mín á fullum krafti. Allt sprakk í lokinn þegar Beggi var tekinn niður og hann komin nánast í gegn. Beggi lét í ljós óánægju sína og þá urðu þónokkrir pústrar og Beggi og Ólafur G hjá FH fengu rautt. Í lokinn þegar menn voru að ganga til búningsherbergja komu áhorfendur og réðust að Begga. Í þeim pústrum áttu gæslumenn hjá fh að koma í veg fyrir. Bikarinn er búin hjá okkur og næsta verkefni er Víkingur í Víkinni. Næsti leikur þessar liða verður í febrúar að Ásvöllum.

Markaskor: Sigurbergur Sveinsson 10, Freyr Brynjarsson og Kári Kristján Kristjánsson 4, Andri Stefan Guðrúnarson 3, Elías Már Halldórsson og Einar Örn Jónsson 2, Pétur Pálsson, Gísli Jón Þórisson og Gunnar Berg Viktorsson 1 hver.

SUNNUDAGUR KL.15:30

Það verður án efa hart barist á sunnudaginn þegar við förum í Krikann og mætum FH í 8-liða úrslitum bikarkeppninar. Það verður án efa fjölmenni á svæðinu og við ætlum okkur sigur í þessum leik og ekkert annað. Við höfum fengið mjög skýr skilaboð frá stuðningsmönnum okkar og það er sigur og ekkert annað. FH-ingar hafa gert þessum leik mikil skil á heimasíðu sinni og hafa þeir búið til myndband sem kemur til að hjálpa okkur í undirbúningi okkar fyrir þennan leik.

Nú er stutt í þetta og leikmenn hjá okkur er farið að klæja í puttana og í raun var þetta draumadráttur í bikar hjá mörgum leikmönnum Hauka.

 

FH-HAUKAR SUNNUDAGINN 7.DESEMBER KL. 15:30 - MÆTTU!!!!!!!!!!!!!

Góður sigur gegn HK

Það var alveg ljóst að okkar hálfu að við ætluðum okkur 2 stig í kvöld. Eftir mikla törn undanfarna mánuði þá fengum við góða hvíld um síðustu helgi og því engin þreyta í mönnum. Í leiknum í kvöld byrjuðu HK-menn betur og komust í 1-3 en þá fórum við í gang og jöfnuðum 5-5 og komust svo yfir 7-5. Forustunni heldum við og í hálfleik var staðan 17-14 okkur í vil. Í seinni hálfleik mættu HK menn tilbúnari en við og náðu að jafna leikinn 19-19 en þá fór Elías Már í gang hjá okkur en hann spilaði í skyttunni í kvöld. Hann setti einhver 4 mörk í röð og við komust í 25-21. HK menn minnkuðu munin í 2 mörk en lengra komust þeir ekki og við sigruðum 33-28. Markahæstur í okkar liði var Beggi með 9 mörk og Elías 5.

Markaskor hjá okkur: Sigurbergur 9, Elías 5, Andri 4, Freyr 4, Kári 4, Einar 2, Stefán 2, Gísli Jón 1, Gunnar 1 og Pétur 1.

Birkri varði 12 og Gísli G 5.

Næsti leikur er stórleikurinn Haukar - FH í Kaplakrika næstkomandi sunnudag og hefst hann kl. 15:30. Við eigum harma að hefna eftir að hafa tapað í deildinni í Krikanum fyrri nokkrum vikum. Nú ætlum við okkur áfram í bikarnum og ég er veit að Haukafólk kemur í rauðu og styður okkur áfram til sigurs.

Áfram Haukar.

Haukar höfðu betur gegn HK

Haukar - HK í N1-deildinni

        vs     

Annað kvöld koma HK-ingar í heimsókn að Ásvelli. Síðasti leikur þessara liða fór fram í Digranesinu og þar báru HK-ingar sigur úr býtum. Síðasti leikur þeirra í deildinni var gegn spútnikliðinu FH og þar sigruðu HK nokkuð örugglega. Við spiluðum við Akureyri á útivelli og þann leik sigruðum við mjög örugglega. Í liði HK vantar miðjumann þeirra Ólaf Bjarka og hjá okkur verður Arnar Pétursson ekki með vegna aldurs :=)

Leikurinn hefst kl. 19 að Ásvöllum.