Sigur í Safamýrinni

Það kom aldrei annað til greina en að fara með 2 stig í kvöld, þó svo að við hefðum farið fjallabaksleiðina að sigri. Við byrjuðum ágætlega og leiddum leikinn í upphafi leiks. Vörnin var ekki nógu stöðug en við fengum þó slatta af hraðupphlaupsmörkum og mörkum úr öðru tempói. Skotnýting hjá leikmönnum var mjög góð í fyrrihálfleik og var það sem gaf okkur 4 marka forskot þegar flautað var til leikhlés 19-15.

Í seinni hálfleik byrjuðum við mjög illa og vorum ekki á tánum. Þeir jöfnuðu leikinn í stöðunni 23-23. Þeir héldu svo áfram að þjarma að okkur og var einungis einn leikmaður sem var með öll ljós kveikt og það var Stefán Rafn. Hann nýtti sjénsin sinn mjög vel í kvöld og átti flotta innkomu. Þegar um 7 mín voru eftir og þeir þrem mörkum yfir 28-25 skoraði Beggi 26 markið en fékk dúndur högg í höfuðið frá honum Magnúsi í liði Fram. Þessi fólskulega árás varð til þess að menn vöknuðu og fóru að vera á tánum í vörninni. Við jöfnuðum leikinn 32-32 og komumst yfir 33-32. Framarar klúðruðu víti og við skoruðum í bakið á þeim. Lokatölur urðu svo 34-32 okkur í vil. Fínn sigur en við getum ekki leyft liðum að skora yfir 30 mörk á okkur. Vörnin verður að vera betri og markvarslan var lítil í kjölfarið. Það jákvæða var að sóknin var heilt yfir góð.

Markaskor: Beggi 10, Stebbi 5, Freyr 4, Bjöggi 4, Gummi 3, Elli 3, Pétur 2,  Einar 2, Tjörvi 1.

Birkir varði 7 og Aron 4.

Nú tekur við tveggja vikna pása vegna æfinga hjá landsliðinu. Næsti leikur okkar í deild er svo gegn fh að Ásvöllum.

Athugasemdir

[KKK (IP-tala skráð) 23.10.2009 kl. 17:54]

er Plokkfiskurinn ekkert að grínast með þessa eyrnalokka ? er hann með þetta standard allan daginn ?

ja ef satt reynist þá er hann gott efni í úrvalsháseta á fjölveiðiskútunni hans Vitta Helga

[Arnar Jón (IP-tala skráð) 25.10.2009 kl. 18:32]

Bíddu er Stebbi kominn úr skápnum!!!, hvað er málið með þetta útlit

[HAUKAR - Meistaraflokkur karla 2012-2013, 31.10.2009 kl. 22:01]

Já Kári minn þetta er orðin standardinn þessa dagana hjá Plokkaranum.