1-1

Jæja við höfðum það í kvöld eftir brösuga byrjun í fyrrihálfleik. Vörnin stóð þokkalega en við gerðum okkur seka um allt of mörg misstök í sóknarleiknum sem varð til þess að þeir náðu hraðupphlaupum ásamt því að við vorum einum færri meiri hlutan af fyrrihálfleiknum á meðan þeir fengu ekki engar 2 mínútur. Staðan í fyrrihálfleik var 12-8 þeim í vil og mega þeir þakka markmanni sínum fyrir það. Í seinni hálfleik byrjuðum við á fullu gasi og náðum vörninni vel í gang og jöfnuðum leikinn 13-13. Þá komust þeir aftur í gang og voru yfir 1 til 2 mörkum þangað til í stöðunni 20-18. Við skoruðum næstu 4 mörkinn og náðum forustu sem við létum ekki af hendi.

Haukaáhorfendur voru frábærir í dag og sýndu okkur þann stuðning sem við þurftum á að halda í seinni hálfleik. Klárlega bestu stuðningsmennirnir.

Næsti leikur er að Ásvöllum á fimmtudaginn  og hefst hann kl.19:30 - Mætum í rauðu og förum í úrslit.

Maður leiksins var án efa Gunnar Berg Viktorsson en hann fór á kostum í seinnihálfleik og skoraði 6 mörk og 8 alls. - Gunna í landsliðið - 

Athugasemdir

[Haukamaður (IP-tala skráð) 21.4.2009 kl. 10:00]

Já!!!!!

Eins og ég hef sagt, þið eruð langbestir þegar þið spilið fyrir hvern annan, með hjartað á erminni. Til hamingju með frábæran sigur og auðvitað mætum við í rauðu á fimmtudaginn.

Haukakveðja.

[Ella Óladóttir (IP-tala skráð) 21.4.2009 kl. 11:15]

Frábær leikur strákar, húrra fyrir ykkur. Er farin að hlakka til á fimmtudaginn þar sem að sjálfsögðu allir mæta í rauðu í brjálaða gírnum.

[Sverrir R (IP-tala skráð) 21.4.2009 kl. 11:46]

Mér finnst ómögulegt að minnast ekki á þátt Heimis Óla þegar hann kom inní hjarta varnarinnar. Fram skoraði 1 mark á 10 min, og svo síðustu 2 mörk leiksins.  Heimir kom gríðalega sterkur þarna inn og lét menn óspart heyra það , frábær innkoma hjá stráknum....