83 kvikindi bónað

Það gekk vonum framar í gær þegar haukafjölskyldan tók sig saman og fór að bóna bíla. Menn mættu kl.8:00 (eða flestir, pétur var eitthvað seinn að drattast á fætur). Meistararflokkarnir og unglingaflokkarnir skiptu vöktum á milli sín og gekk þetta eins og í sögu. Gísli Guðmundsson er maðurinn á bak við þessa fjáröflun og á hann hrós skilið fyrir gott skipulag og stjórnun. Eins og fyrirsögnin segir þá náðist að taka 83 bíla í bón og alhreinsun og ef við tökum meðaltalið sem er 8000kr þá erum við að tala um 664000 kr fyrir daginn, geri aðrir betur.