Valur 2 vs Haukar í SS-bikar

Í kvöld förum við haukamenn að Hlíðarenda og spilum við Val 2 í SS-bikarkeppni HSÍ. Leikurinn hefst kl. 20. Eftir því sem ég best veit eru þetta strákar úr 2.flokki og þeir leikmenn sem ekki hafa verið í náðinni hjá meistarflokknum. Annars förum við blint í sjóinn og það verður bara koma í ljós hverjir koma til með að manna þetta lið hjá Val. Án efa eru þetta efnilegir drengir þar á ferð. Hjá okkur eru allir heilir og Maggi komin aftur eftir viku veikindi, en hann missti af síðasta leik. Kári verður ekki klár í slaginn fyrr en eftir 2 vikur.

Næsti leikur hjá okkur verður svo gegn Stjörnunni að Ásvöllum og verður það hörkuleikur. Ég held að sá leikur verði einn af leikjum ársins þar sem boðið verður frítt inn á. Það kemur í ljós seinna í vikunni.