Tap í fyrsta leiknum gegn Bjerringbro - Silkiborg

Í kvöld spiluðum við gegn heimaliðinu hér í Silkiborg. Leikurinn var mjög hraður og staðan í hálfleik var 19-18 okkur í vil. Í seinni hálfleik var sama upp á teninginn þar sem hraðinn var mikill. En eins og í leiknum gegn Skjern misstum við taktinn um miðjan hálfleikinn og þeir komust yfir 25-22. Þessi munur var út leikinn og loka staðan í leiknum var 37-34 fyrir heimamönnum. 

Andri Stefna og Arnar Jón voru okkar bestu menn sóknarlega. Andri skoraði 11 úr 18 skotum og Arnar Jón skoraði 9 úr 12 skotum. Gísli Jón kom svo næstur með 4 mörk úr 5 skotum.

Magnús Sigmundsson varði 9 bolta og Finnbogi átti fína innkomu í fyrrihálfleik og varði 4 skot.

Næsti leikur er á morgun gegn Sandefjord kl. 15 að staðartíma sem er 13 að íslenskum tíma.

FB 

Athugasemdir

[Sigurjón Sigurðsson, 1.9.2007 kl. 03:00]

Ekkert mál að tapa smá í æfingarferð. Aðalmálið er að spila sig saman og keyra saman rétta ,,spiritið" fyrir alvöruna hérna heima.

Áfram Haukar!