HAUKAR - Meistaraflokkur karla í handknattleik - 2007 til 2012

Það hefur ekki farið fram hjá mörgum að okkur Haukamönnum er spáð titlinum og HK spáð falli.

Sama dag töpuðum við gegn HK í meistarar meistarana. 

Næsta verkefni er deildin og hún hefst á mánudaginn þegar Framarar koma í heimsókn. 

Þetta verður hörkudeild og hún verður án efa spennandi fram á síðustu umferð í apríl. Verður fróðlegt að sjá hvernig deildin þróast - líklega hægt að dæma fyrst um það eftir 3 umferðir að mínu mati.

Það er ekki hægt að segja að haukamenn séu glaði í kvöld. Dottnir út úr úrslitakeppninni um Íslandsmeistaratitilinn. Það má segja að fyrsti leikurinn hafi gefið tóninn í þessu einvígi og HK menn einfaldlega nýttu sér meðbyrin og voru einfaldlega betri og verðskulda að vera í úrslitum.

Tímabilið okkar í heild sinni er mjög gott og við náðum okkar markmiðum og meira til þannig að við getum ekki verið ósáttir. 3 titlar af 4 verður að teljast góður árangur, Deildarbikarmeistara, Bikarmeistarar og Deildarmeistarar tímabilið 2011-2012. 

Ég vona að HK menn haldi áfram á sömu braut og bugist ekki þó svo að þeir mæti liði sem hafa aðeins meiri reynslu eftir að hafa barist um meistarartitilinn í fyrra.

Ég byrjaði minn ferill í HK og ég held með HK út þetta tímabil. 

Áfram HK.

FB.

Það verður að segjast eins og er að þessi sigur á mánudagskvöldið verður ekki sætari og það kom aldrei til greina annað en sigur og vilji okkar, metnaður og sigurvilji var meiri þetta kvöld.

Leikurinn var jafn og einkenndist af góðum varnaleik og fullt af sóknarmistökum. Staðan í hálfleik var 8-7 fh í vil og við búnir að tapa boltanum 7 sinnum, klúðra 4 dauðafærum sem fóru flest í stöng eða slá og markverðir okkar vörðu 2 bolta. Það var því alveg ljóst í hálfleik að við áttum mun meira inni. fh-ingar byrjuðu reyndar betur og skoruðu 2 fyrstu mörkin en í stöðunni 13-10 þeim í vil tók Aron Rafn við sér og hann ásamt varnaleik okkar varð til þess að þeir skoruðu einungins 3 mörk næstu 10 mín en við 11 mörk. Sanngjarn sigur vannst 21-16 og við förum með 5 stiga forskot inn í jóla/landsliðspásu. Næsti leikur í deildinni er ekki fyrr en 3.febrúar 2012.

Næsta verkefni hjá okkur er deildarbikarinn sem fram fer að Strandgötu 27.des og þar mætum við Fram í undanúrslitum. Ef við sigrum þann leik þá mætum við sigurvegurum úr leik fh og HK daginn eftir. 

Haukakveðja Freyr B.

Á fimmtudaginn síðastliðinn fengum við Gróttu í heimsókn. Til að gera langa sögu stutta þá var þetta öruggur sigur 29-17 gegn slöku liði Gróttu. Gylfi var öflugur og skoraði 12 mörk og Birkir Ívar var flottur í markinu og tók meðal annars tvisvar dansspor inn í teignum.

Næst verkefni okkar Haukamanna er Eimskipsbikarinn 8 liða úrslit. Þar förum við í heimsókn að Hlíðarenda og mætum Valsmönnum. Valsmenn hafa verið á siglingu undanfarið og náðu nú síðast jafntefli gegn fh eftir að hafa verið undir 2 mörkum og 1 min eftir.  Leikir okkar gegn Val hafa ávallt verið hörkuleikir og verður þessi leikur örugglega engin undantekning. Valsmenn eru núverandi bikarmeistara og á heimavelli og við verðum að eiga okkar besta leik til að komast áfram. Þessi leikur verður sjónvarpaður í sjónvarpi okkar landsmanna en við vonum að Haukamenn sjái sér fært að mæta og styðja okkur til sigurs. 

Áfram Haukar.

p.s. leikurinn hefst kl.15:45.